4 мамырда Абонементтер бөлімі ҚР Ұлттық ұланының 6697 әскери бөлімінің әскери қызметшілері үшін Қазақстанның бірінші Қорғаныс министрі, Кеңес Одағының Батыры, тұңғыш Халық қаһарманы Сағадат Қожахметұлы Нұрмағамбетовтің 100 жылдығына арналған «Қазақ халқының лайықты ұлы» тарихи сағатын өткізді.
Іс-шара қонағы – Ахмет Байтұрсынұлы атындағы ҚӨУ әлеуметтік-гуманитарлық пәндер кафедрасының аға оқытушысы Жандәулетов Тобыл Тілегенұлы Қазақстанның тұңғыш Қорғаныс министрінің өмірі мен кәсіби қызметінде орын алған қызықты деректер туралы айтып берді. Іс-шара барысында бейнесұхбат, Ұлы Отан соғысының деректі хроникасы, белгілі адамдардың Сағадат Қожахметұлы туралы естеліктерінің бейнеролигі, фотоқұжаттар, Халық қаһарманы туралы кітаптар мен мақалалар ұсынылған кітап көрмесі көрсетілді.
#гидқазақстанға #гидпоказахстану